Ermənistanın təxribatı nəticəsində hərbi qulluqçularımız şəhid olublar
Azərbaycan hərbçisi ermənilərin basdırdığı minaya düşərək şəhid olub - FOTO
FED.az xəbər verir ki, bu barədə Müdafiə Nazirliyinini açıqlamasında bildirilir.
"Martın 5-də səhər saatlarında qeyri-qanuni erməni birləşmələrinin törətdikləri təxribat nəticəsində Azərbaycan Ordusunun hərbi qulluqçuları Əlibəyli Şəhriyar Ramiz oğlu və Hüseynov Eşqin Cəmil oğlu şəhid olublar. Müdafiə Nazirliyinin rəhbərliyi şəhidlərin yaxınlarına dərin hüznlə baş sağlığı verir".
Allah rəhmət eləsin!
Xatırladaq ki, erməni separatçıları ilə silahlı toqquşma bu gün, martın 5-də baş verib.
FED.az xəbər verir ki, Azərbaycan tərəfinə əsas Laçın yoluna alternativ olan “Xələfəli yolu” torpaq yolundan yan keçməklə Ermənistan ərazisindən Qarabağ bölgəsinə silah, sursat və canlı qüvvənin daşınması barədə siqnallar alırdı.
Müdafiə Nazirliyinin məlumatına görə, Xankəndi-Xəlfəli-Turşsu torpaq yolundan istifadə edilməklə Ermənistan Respublikasından hərbi ləvazimatların, silah-sursatın və şəxsi heyətin Rusiya sülhməramlı kontingentinin müvəqqəti yerləşdiyi Azərbaycan ərazilərinə daşınmasının həyata keçirilməsi barədə operativ məlumatlar daxil olub.
Bu gün – martın 5-də bu barədə növbəti siqnal alınıb və əməliyyatçılarımız ərazidə yoxlama aparıb.
Martın 5-də səhər saatlarında daxil olmuş məlumatın yoxlanması məqsədilə qanunsuz hərbi daşınmalar həyata keçirən nəqliyyat vasitələrinin Azərbaycan Ordusunun bölmələri tərəfindən saxlanılaraq yoxlanılmasına cəhd göstərilib.
Bu zaman əməliyyatçılar yoldan keçən erməni avtomobilini saxlamaq istəyəndə onun sərnişinləri atəş açıblar. Cavab atəşi nəticəsində düşmən zərərsizləşdirilib, eyni zamanda yuxarıda qeyd edildiyi kimi, hadisə nəticəsində Azərbaycan hərbi qulluqçuları şəhid olub.
Qeyd edək ki, hadisə Rusiyanın «Sülhməramlı» adlanan hərbi qüvvələrinin nəzarət etdiyi ərazidə baş verib.
Bununla bağlı olaraq Müdafiə Nazirliyi Rusiya tərəfinə kəskin etirazını bildirib: «Azərbaycan tərəfi Rusiya sülhməramlı kontingentinin komandanlığının diqqətinə çatdırır ki, üçtərəfli Bəyanatın bəndlərinin yerinə yetirilməsi qeyd-şərtsiz və tam təmin edilməlidir. Bildiririk ki, Qarabağ iqtisadi rayonu ilə Ermənistan arasında yeganə istifadə oluna biləcək avtomobil yolu Xankəndi-Laçın yoludur.
Rusiya sülhməramlı kontingentinin komandanlığına bir daha xatırladırıq ki, başqa marşrutlar üzrə hərbi və digər təyinatlı daşınmaların həyata keçirilməsi qəti surətdə yolverilməzdir. Xatırladırıq ki, Ermənistandan Qarabağ iqtisadi rayonuna silah-sursat, digər hərbi təchizat, o cümlədən minalar, yanacaq və canlı qüvvənin daşınması faktları bundan əvvəl də müəyyən olunub» - açıqlamada qeyd olunur.
Bugünkü silahlı insident Ermənistan Respublikasının hərbi-siyasi rəhbərliyinin Azərbaycana qarşı təxribat və təxribat törətməkdə, onun ərazisinə silah, sursat və canlı qüvvə atmaqda davam etdiyini təsdiqləyir.
Müdafiə Nazirliyi onu da bildirib ki, 2022-ci ildə Türkiyə-Rusiya Birgə Monitorinq Mərkəzinin nümayəndələrinin Ermənistan tərəfindən basdırılan və sonradan aşkar edilən minalara baxış üçün əraziyə səfərləri də təşkil edilib.
Bu gün baş vermiş insident bir daha Azərbaycan tərəfindən Laçın-Xankəndi yolunun üzərində müvafiq nəzarət-keçid məntəqəsinin yaradılmasının zəruri olduğunu göstərir.
Ermənistanın yenə də Azərbaycanın Qarabağ iqtisadi rayonuna hərbi daşınmaları hayata keçirməsi faktı bu ölkənin Azərbaycana qarşı davam edən təcavüzü və terror siyasətidir.
Törədilmiş təxribata görə bütün məsuliyyət Ermənistan hərbi-siyasi rəhbərliyinin üzərinə düşür.
