Banner

Qarabağ

"Bütün şəhərlərimizi bərpa edəcəyik, daha da gözəl şəhərlər olacaq"

"Bütün şəhərlərimizi bərpa edəcəyik, daha da gözəl şəhərlər olacaq" | FED.az
10:33 24 Noy 2020

"Bu gün tarixi bir gündür. Biz şanlı Qələbəmizi qeyd edirik. Dağılmış Ağdam şəhəri erməni vəhşiliyinin şahididir. Biz Ağdam şəhərini bərpa edəcəyik, bütün kəndləri bərpa edəcəyik. Heç kimdə bu haqda şübhə olmasın. Bu, böyük iş olacaqdır. Əlbəttə ki, böyük zəhmət tələb edəcək. Amma necə ki, biz 44 gün ərzində birlik göstərmişik, əminəm ki, azad edilmiş torpaqlarımızın bərpası işində də birlik, əzmkarlıq göstərəcəyik. Bütün şəhərlərimizi bərpa edəcəyik, daha da gözəl şəhərlər olacaqdır. Şəhərlərimizdə qalan tarixi abidələri bərpa edəcəyik və bir daha gücümüzü göstərəcəyik".

Eləcə də bax: İlham Əliyev Ağdam məscidinin qarşısında çıxış edib - TAM MƏTN

FED.az xəbər verir ki, bunu noyabrın 23-də işğaldan azad olunmuş Ağdam şəhərinə səfər edən Azərbaycan Prezidenti,  Ali Baş Komandanı İlham Əliyev deyib.

"Biz Qələbəmizi dəmir yumruq hesabına, düşməni qova-qova qazanmışıq və indi durmuşuq öz torpağımızda.

Eşq olsun Azərbaycan xalqına! Eşq olsun Azərbaycan əsgərinə, Azərbaycan zabitinə! Ağdam bizimdir! Qarabağ Azərbaycandır!", - deyə, dövlət başçısı nitqini yekunlaşdırıb.

Banner
Banner

Digər xəbərlər