Qarabağda Rusiya sülhməramlılarının olduğu avtomobil atəşə tutulub, ölənlər var.
FED.az-ın məlumatına görə, bu barədə Rusiya Müdafiə Nazirliyi məlumat yayıb. Nazirlik bildirib ki, hadisə rus qoşunlarının müvəqqəti yerləşdirildiyi ərazidə - Canyataq kəndi yaxınlığında qeydə alınıb.
Məlumata görə, avtomobildə olan hərbçilər həlak olub, hələlik onların sayı açıqlanmır.
"Rusiya və Azərbaycan istintaq orqanlarının nümayəndələri insidentin bütün detallarını aydınlaşdırmaq üçün hadisə yerində işləyirlər"-deyə bildirilir.
