Prezident İlham Əliyev Ermənistanın işğalından azad olunmuş Füzuli rayonuna səfər edib.
FED.az xəbər verir ki, bu barədə Azərbaycan Respublikasının Birinci vitse-prezidenti Mehriban Əliyeva instaqram hesabında 27 Sentyabr - Anım Günü ilə əlaqədar Füzuli rayonundan paylaşım edib.
"Anım Günü. Füzuli rayonu. 27.09.2022", - paylaşımda qeyd olunub.
***
Prezident İlham Əliyev və xanımı Mehriban Əliyeva Füzuli rayonuna səfər ediblər
İlham Əliyev və Mehriban Əliyeva Qaraxanbəylidə Anım Gününə həsr olunmuş xatirə lövhəsini ziyarət ediblər.
Dövlətimizin başçısı və xanımı Füzuli rayonunun Qaraxanbəyli kəndində 27 sentyabr – Anım Gününə həsr olunmuş xatirə lövhəsinin önünə gül dəstələri qoyublar.
Azərbaycan Prezidenti burada çıxış edib.
Sonra Prezident İlham Əliyev və xanımı Mehriban Əliyeva Anım Günü ilə əlaqədar saat 12.00-da Vətən müharibəsi şəhidlərinin xatirəsini bir dəqiqəlik sükutla yad ediblər.
