2024-cü ildə azad edilmiş rayonlarda tikinti-quraşdırma işlərinə 5 milyard 982 milyon 63.3 min manat vəsait sərf edilib.

FED.az Dövlət Statistika Komitəsinə istinadən xəbər verir.

Bu dövrdə ən çox vəsait Kəlbəcər rayonu üzrə xərclənib. Rayona tikinti-quraşdırma işlərinə 1 milyard 374,5 milyon manat olub.

Bundan başqa Laçın rayonu üzrə 894,7 milyon manat,  Ağdam rayonunda 809,5 milyon manat, Şuşa üzrə  751,5 milyon manat, Zəngilan rayonu üzrə  552 milyon manat Füzuli rayonu üzrə  isə 540,1 milyon manat vəsiat xərclənib.

Cəbrayıl rayonu  xərclənmiş vəsaitin həcmi 436,6 milyon manat. Qubadlı rayonuna 316,8 milyon manat yatırım edilib.

Xocavənd rayonuna tikinti işlərinə sərf olunmuş vəsaitin məbləği 115,7 milyon manat təşkil edib. Xocalı rayonunda bu göstərici 70,3 milyon manata, Xankəndi şəhərində 69,5 milyon manat, Ağdərədə isə 50,5 milyon manata bərabər olub.