2023-cü ildə Azərbaycanın işğaldan azad edilmiş ərazilərində aparılan tikinti-quraşdırma işlərinə 6 milyard 141,787 milyon manat ayrılıb. Bu, 2022-ci illə müqayisədə 53,1 % çoxdur.
Qarabağda istifadəyə verilən yaşayış sahəsinin həcmi - AÇIQLANDI
FED.az xəbər verir ki, bu barədə Dövlət Statistika Komitəsi bildirir.
Məlumata görə, bunun 64,1 %-i və ya 3 milyard 937,536 milyon manatı Şərqi Zəngəzur iqtisadi rayonun, 35,9 %-i və ya 2 milyard 204,251 milyon manatı isə Qarabağ iqtisadi rayonun payına düşüb. Bu da, 2022-ci ilin eyni dövrü ilə müqayisədə müvafiq olaraq 82 % və 19,3 % çoxdur.
Hesabat dövründə Qarabağ iqtisadi rayonunda kənd təsərüffatı, meşə təsərüffatı və balıqçılıq sektoruna investisiya qoyuluşu 2 dəfə artaraq 54,123 milyon manata, sənayeyə 32,3 % artaraq 240,263 milyon manata, tikintiyə 3,3 dəfə arataraq 383,163 milyon manata, ticarət; nəqliyyat vasitələrinin təmirinə 57,4 dəfə artaraq 11,471 milyon manata, nəqliyyat və anbar təsərüffatına 7,9 % azalaraq 1 milyard 368,187 milyon manata, iqtisadiyyatın digər sahələrinə isə 2,6 dəfə artaraq 197,192 milyon manata çatıb.
2023-cü ildə Şərqi Zəngəzur iqtisadi rayonunda kənd təsərüffatı, meşə təsərüffatı və balıqçılıq sektoruna investisiya qoyuluşu 10,7 dəfə artaraq 294,245 milyon manata, sənayeyə 14,4 dəfə artaraq 678,628 milyon manata, tikintiyə 4,1 dəfə artaraq 893,564 milyon manata, nəqliyyat və anbar təsərüffatına 16 % artaraq 2 milyard 033,965 milyon manata çatıb, iqtisadiyyatın digər sahələrinə 36,7 % azalaraq 110,408 milyon manata enib, ticarət; nəqliyyat vasitələrinin təmirinə isə vəsait ayrılmayıb. (Report)
