“Ermənistandakı ermənilərə mesajım budur ki, biz onların dövləti ilə sülh istəyirik”.

FED.az xəbər verir ki, bunu Azərbaycan Prezidenti İlham Əliyev “Euronews” telekanalına müsahbəsində deyib.

“Onlara digər mesajım ondan ibarətdir ki, hazırkı geosiyasi vəziyyəti və qüvvələr balansını aydın dərk etmək lazımdır. Uzun illər ərzində Ermənistan liderləri öz xalqını inandırırdılar ki, onlar dünyanın ən güclü ordusuna sahibdirlər, əgər müharibə başlasa, onlar Bakıya çatacaqlar. Müharibə bu hekayələri məhv etdi".

Dövlət başçısı bildirib ki, Azərbaycan müharibə istəmir: "Biz nə bu gün, nə də gələcəkdə daha bir müharibə istəmirik".

İlham Əliyev Qarabağdakı erməniləri qondarma liderlərə inanmamağa çağırıb: "Qarabağdakı ermənilərə gəlincə, onlar qondarma liderlərinin arxasınca getməməlidirlər. Bu liderlər onlara daim yalan danışıblar".

Prezident bildirb ki, ermənilər Azərbaycan cəmiyyətin ini bir hissəsi olacaqlar:

"Qarabağ erməniləri başa düşməlidirlər ki, təhlükəsizlik təminatları, hüquqlarının, o cümlədən təhsil, mədəniyyət, dini, bələdiyyə hüquqlarının təmin edilməsi ilə Azərbaycan cəmiyyətinin bir hissəsi olaraq onlar normal həyat yaşayacaqlar. Onlar daha manipulyasiyanın girovu olmayacaqlar. Düşünürəm ki, onlar dinləsələr, məni anlayacaqlar. Onlar bilirlər ki, mən öz sözümə əməl edirəm”, - deyə Prezident İlham Əliyev bildirib.