Şuşa şəhəri 28 il sonra – 2020-ci il noyabrın 8-də işğaldan azad olunub.
ASAN Xidmət- dəın FED.az-a bildiriblər ki, ASAN Radio işğaldan azad olunan Şuşada səslənən ilk Azərbaycan radiosu oldu.
Bildirilib ki, operativ məlumat dalğası - ASAN Radio Azərbaycanda 100, 96.5, 95.6 və 92.7 FM dalğalarında yayımlanır. Radionu asanradio.az saytından və mobil tətbiqlərdən dinləmək olar.
Xatırladaq ki, ASAN Radio Prezident İlham Əliyevin tapşırığı ilə 2015-ci ildə ASAN XİDMƏT-in tabeliyində yaradılıb. Elə həmin ilin dekabrın 24-də yayıma başlayıb. Bu il ASAN Radionun fəaliyyətinin 5 ili tamam olur.
