Banner

Qarabağ

Füzulidə minaya düşənlərdən biri - Həlak Oldu

Füzulidə minaya düşənlərdən biri - Həlak Oldu | FED.az
18:07 8 İyul 2021

Füzuli rayonunun işğaldan azad edilmiş ərazilərinə qanunsuz gedərək minaya düşənlərdən biri həlak olub.

Eləcə də bax: Kəlbəcərdə jurnalistlərin minaya düşmə anının görüntüləri - VİDEO

FED.az “Qafqazinfo”ya istinadən xəbər verir ki, DİN Mətbuat xidmətinin rəisi, polis polkovniki Ehsan Zahidov bildirib ki, artıq hər iki şəxs minaya düşdükləri yerdən çıxarılıb: “Polis və Daxili Qoşunların əməkdaşları öz həyatlarını təhlükəyə ataraq hər tərəfi minalanmış əraziyə daxil olaraq həmin iki vətəndaşın minaya düşdüyü partlayış yerinə yaxınlaşıblar.

Bu zaman Nuru Nuriyevin artıq həlak olduğunu görüblər. Onun meyiti ərazidən çıxarılıb. Minaya düşən digər şəxs  - Elnur Həşimov isə hər iki ayağını itirib. Polislər onu da ərazidən təhlükəsiz formada çıxarıb xəstəxanaya təhvil veriblər”.

Qeyd edək ki, mərhum N.Nuriyev fevral ayında da işğaldan azad olunmuş əraziyə keçməyə cəhd göstərərkən polis əməkdaşları tərəfindən saxlanılıb və inzibati qaydada 30 sutka həbs olunmuşdu.

Banner
Banner

Digər xəbərlər