Füzuli Hava Limanına beynəlxalq status verilib.
Eləcə də bax: Füzuli hava limanına - İLK RƏSMİ REYS BAŞ TUTUB
FED.az xəbər verir ki, bu barədə Baş nazir Əli Əsədov sərəncam imzalayıb.
Sərəncama əsasən, Füzuli rayonunda tikintisi başa çatdırılmış beynəlxalq uçuşları yerinə yetirmək üçün müvafiq standartlara cavab verən Füzuli Hava Limanına beynəlxalq status verilib.
Xarici İşlər Nazirliyinə tapşırılıb ki, Füzuli Hava Limanına bu Sərəncamın 1-ci hissəsi ilə beynəlxalq status verilməsi barədə müvafiq beynəlxalq təşkilatlara məlumat göndərsin.
3. Bu Sərəncam imzalandığı gündən qüvvəyə minir.
