Banner

Qarabağ

Ermənistan yenə Kəlbəcərlə sərhəddə - Təxribata Əl Atdı

Ermənistan yenə Kəlbəcərlə sərhəddə - Təxribata Əl Atdı | FED.az
09:00 27 May 2021

Mayın 27-də saat 03.00 radələrində Ermənistan silahlı qüvvələrinin kəşfiyyat-diversiya qrupu Ermənistan-Azərbaycan dövlət sərhədinin Kəlbəcər rayonu Yuxarı Ayrım yaşayış məntəqəsi istiqamətində ərazimizə keçməyə cəhd göstərib.

Eləcə də bax: Ermənistan tərəfinin 6 hərbi qulluqçusu - ƏSİR GÖTÜRÜLÜB

FED.az bu barədə Müdafiə Nazirliyinə istinadən xəbər verir. 

Məlumata görə, düşmən Azərbaycan Ordusunun sərhəddə yerləşən mövqelərinə aparan təminat yolunda minalama fəaliyyəti həyata keçirərkən dərhal görülən əməliyyat tədbirləri nəticəsində qarşı tərəfin 6 hərbi qulluqçusu mühasirəyə alınaraq zərərsizləşdirilib və onlar əsir götürülüb.

Səhər saatlarında sərhəd yaxınlığında Ermənistan silahlı qüvvələrinin tanklar da daxil olmaqla bir neçə döyüş texnikasının cəmləşməsi müşahidə edilib. Tərəfimizdən görülən tədbirlər nəticəsində onların hərəkətinin qarşısı alınıb.

Hazırda bu istiqamətdə əməliyyat şəraiti bölmələrimizin nəzarəti altındadır.

Banner
Banner

Digər xəbərlər