Banner

Qarabağ

Azərbaycan Rusiya helikopterinin vurulması ilə əlaqədar - Üzr İstəyib

Azərbaycan Rusiya helikopterinin vurulması ilə əlaqədar - Üzr İstəyib | FED.az
21:41 9 Noy 2020

Azərbaycanın Xarici İşlər Nazirliyi bəyanat yayaraq, Rusiyanın Hərbi Hava Qüvvələrinə məxsus helikopterin vurulmasına görə qarşı tərəfdən üzr istəyib.

Bu barədə FED.az Xarici İşlər Nazirliyinə istinadən xəbər verir.

Azərbaycan Respublikasının Müdafiə Nazirliyinin Rusiya Federasiyasının Müdafiə Nazirliyindən aldığı məlumat görə, noyabrın 9-da saat 18:30-da Ermənistan-Azərbaycan dövlət sərhədinin Naxçıvan üzrə ərazisində Rusiya Federasiyasının Mi-24 hərbi helikopteri vurulub.

Xatırladaq ki, Rusiya Müdafiə Nazirliyinin məlumatına görə, helikopter Naxçıvan yaxınlığında vurulub, nəticədə hərbi maşının 2 pilotu həlak olub.  

Hadisə ilə əlaqədar olaraq Azərbaycanın Xarici İşlər Nazirliyindən vurğulanıb ki, vertolyot bilavasitə Dağlıq Qarabağ münaqişəsinin zonasında aktiv döyüş əməliyyatlarının davam etdiyi Ermənistan-Azərbaycan dövlət sərhədinə yaxın uçuş keçirib. Uçuş günün qaranlıq saatlarında, aşağı hündürlükdə, Hava Hücumundan Müdafiə qüvvələrinin radarının aşkar etmə zonasından kənarda keçirilib.

«Azərbaycan tərəfi bu faciəli hadisəyə görə Rusiya tərəfindən üzr istəyir və bildirir ki, insident təsadüfi xarakter daşıyır və Rusiya tərəfinə yönəlməyib»-deyə Azərbaycan XİN-dən bildirilib.   

Əvvəl bu ərazidə Rusiya Federasiyasının Hərbi Hava Qüvvələrinin helikopterləri qeydə alınmayıb.

Banner
Banner

Digər xəbərlər