Banner

Qarabağ

Ağdamdan çıxan ermənilər evləri, mağazaları yandırırlar - VİDEO

Ağdamdan çıxan ermənilər evləri, mağazaları yandırırlar - VİDEO | FED.az
10:52 19 Noy 2020

Ermənilər işğal etdikləri Ağdamı da tərk edərkən evlərə və mağazalara od vururlar.

Eləcə də bax: Ağdamın 6 kəndində məskunlaşan ermənilərə sabaha qədər - Vaxt Verildi

FED.az xəbər verir ki, “Sputnik Armenia”nın yaydığı məlumata görə, Ağdamın Boyəhmədli kəndində yaşayan Armen adlı şəxs özünün evini və ərzaq dükanını yandırıb.

O, 10 ildir, bu kənddə yaşadığını, evinin və dükanının azərbaycanlılara qalmaması üçün bu addımı atdığını bildirib.

Kəndin digər sakinləri də əllərinə keçən əşyaları özləri ilə aparır, yerdə qalanlara isə od vururlar. 

Qeyd edək ki, ermənilər işğal etdikləri Kəlbəcəri də tərk edərkən evlərə, meşələrə od vurub, dükanları, elektrik yarımstansiyalarını söküb dağıdıblar.

Xatırladaq ki, Azərbaycan Prezidenti İlham Əliyev, Ermənistanın Baş naziri Nikol Paşinyan və Rusiya Prezidenti Vladimir Putin arasında imzalanmış bəyanata əsasən, Ermənistan Respublikası 15 noyabr 2020-ci il tarixinədək Kəlbəcər rayonunu boşaltmalı olsa da, bu tarix noyabrın 25-dək uzadılıb. Ermənistan Ağdam rayonunu 20 noyabr 2020-ci il tarixinədək və 1 dekabr 2020-ci il tarixinədək isə Laçın rayonunu Azərbaycan Respublikasına qaytarmalıdır. (Apa) 

Banner

Digər xəbərlər