03.10.2024

"Turan Legal and Tax Services" MMC inzibati xəta üzrə məhkəmə işini qazanıb. 
Xəbər verdiyimiz kimi, "Turan Legal and Tax Services" MMC barəsində yol hərəkəti qaydaları əleyhinə olan (Nəqliyyat vasitəsinin istifadəçisi barədə məlumat verilməməsi) inzibati xəta protokolu tərtib olunmuşdu.

FED.az xəbər verir ki, oktyabrın 2-də Bakı Şəhər Səbail Rayon Məhkəməsində hakim Ülviyyə Şükürovanın sədrliyi ilə keçirilən iclasda yekun məhkəmə aktı çıxarılıb. Məhkəmənin qərarına əsasən hadisədə inzibati xəta tərkibi olmadığına görə inzibati xəta haqqında iş üzrə icraata xitam verilməlidir.

***

19.09.2024

"Turan Legal and Tax Services" MMC barəsində yol hərəkəti qaydaları əleyhinə olan (Nəqliyyat vasitəsinin istifadəçisi barədə məlumat verilməməsi) inzibati xəta protokolu tərtib olunub.

• Azərbaycan Sənaye Korporasiyası qayda pozuntusuna görə - MƏHKƏMƏYƏ VERİLİB

FED.az xəbər verir ki, protokol İnzibati Xətalar Məcəlləsinin 347-ci maddəsi ilə irəli sürülüb.

İnzibati Xətalar Məcəlləsinin 347-ci  maddəsinə görə hüquqi şəxsin mülkiyyətində və ya istifadəsində, yaxud dövlət qurumunun istifadəsində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumatın səlahiyyətli orqanın (vəzifəli şəxsin) bu barədə sorğusu daxil olduğu vaxtdan 5 gün müddətində verilməməsinə görə vəzifəli şəxslər 150 manat məbləğində, hüquqi şəxslər 300 manat məbləğində cərimə edilir.

İşə Bakı Şəhər Səbail Rayon Məhkəməsində  hakim Ülviyyə Şükürova tərəfindən baxılacaq.