"Aqrarkredit” QSC BOKT-a yol hərəkəti qaydaları əleyhinə olan (Nəqliyyat vasitəsinin istifadəçisi barədə məlumat verilməməsi) inzibati xəta protokolu tərtib olunub.
FED.az xəbər verir ki, protokol İnzibati Xətalar Məcəlləsinin 347-ci maddəsi ilə irəli sürülüb.
İnzibati Xətalar Məcəlləsinin 347-ci maddəsinə görə hüquqi şəxsin mülkiyyətində və ya istifadəsində, yaxud dövlət qurumunun istifadəsində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumatın səlahiyyətli orqanın (vəzifəli şəxsin) bu barədə sorğusu daxil olduğu vaxtdan 5 gün müddətində verilməməsinə görə vəzifəli şəxslər 150 manat məbləğində, hüquqi şəxslər 300 manat məbləğində cərimə edilir.
İş Bakı Şəhər Yasamal Rayon Məhkəməsində hakim Hüseyn Səfərovun icraatındadır.
Əlavə məlumat üçün bildirək ki, "Aqrarkredit" BOKT (VÖEN: 1300025711) 04.05.2004-cü ildə dövlət qeydiyyatına alınıb.
Şirkətin nizamnamə kapitalı 45338981.74 AZN-dir. Qanuni təmsilçisi Məmməd Musayev Qurban oğludur.
Hüquqi ünvanı Az1065, Bakı şəhəri, Yasamal rayonu Qədirli, ev 125-də yerləşir.
