“Aktif Elektrik” MMC-yə iqtisadi fəaliyyət qaydaları əleyhinə olan (Valyuta tənzimi qaydalarının pozulması) inzibati xəta protokolu tərtib olunub.
FED.az xəbər verir ki, protokol İnzibati Xətalar Məcəlləsinin 430.4-cü maddəsi ilə irəli sürülüb.
İnzibati Xətalar Məcəlləsinin 430.4-cü maddəsinə görə avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə vəzifəli şəxslər inzibati xətanın bilavasitə obyekti olmuş valyuta vəsaiti məbləğinin 10 faizindən 20 faizinədək məbləğdə, hüquqi şəxslər inzibati xətanın obyekti olmuş valyuta vəsaiti məbləğinin 20 faizindən 30 faizinədək məbləğdə cərimə edilir.
İşə Bakı Şəhəri Nərimanov Rayon Məhkəməsində hakim Vüsal Qurbanov hakim təyin edilib.
Qeyd edək ki, "Aktif Elektrik" MMC (VÖEN: 1503631791) 05.06.2017-ci il tarixində dövlət qeydiyyatına alınıb. Şirkətin nizamnamə kapitalı 1 672 500 manatdır. Qanuni təmsilçisi Mahir Hüseynov Ədalət oğludur.
Hüquqi ünvanı Az1007, Bakı Şəhəri Nərimanov Rayonu, Nəcəf Nərimanov, ev 5A, m. 25-də yerləşir.
