“Sabina” və “Adore” brendi altında öz fəaliyyət göstərən "Adore Kompani” MMC məhkəməyə verilib.
FED.az xəbər verir ki, buna səbəb İctimai Qayda, İctimai Təhlükəsizlik və İctimai Mənəviyyat Əleyhinə Olan İnzibati Xətalardır.
Belə ki, “Adore Kompani” MMC barəsində İnzibati Xətalar Məcəlləsinin 518.1-ci maddəsi ilə (Yanğın təhlükəsizliyi qaydalarının pozulması və ya yerinə yetirilməməsi) protokol tərtib olunub.
Xatırladaq ki, həmin maddəyə əsasən mülkiyyət formasından asılı olmayaraq müəssisə, idarə və təşkilatlarda, ictimai yerlərdə, anbarlarda, yataqxanalarda və ya digər yaşayış sahələrində, meşələrdə və nəqliyyatda yanğın təhlükəsizliyi standartlarının, normalarının və qaydalarının tələblərinin pozulmasına və ya yerinə yetirilməməsinə görə hüquqi şəxslər üç yüz əlli manatdan beş yüz manatadək məbləğdə cərimə edilir.
İş Bakı Şəhər Yasamal Məhkəməsində hakim Rauf Daşdəmirovun icraatındadır.
Məhkəmə ilə əlaqəli baxış iclası 19 aprel 2024-cü il, saat 16:20-yə təyin edilib.
Qeyd edək ki, "Adore Kompani" 19 noyabr 2017-ci ildə yaradılıb. Qanuni təmsilçisi Nərmin ismayılova Vəkil qızıdır.
