“Emiland” MMC məhkəməyə verilib.
FED.az xəbər verir ki, buna səbəb İctimai Qayda, İctimai Təhlükəsizlik və İctimai Mənəviyyat Əleyhinə Olan İnzibati Xətalardır.
Belə ki, “Emiland” MMC barəsində İnzibati Xətalar Məcəlləsinin 518.1-ci maddəsi ilə (Yanğın təhlükəsizliyi qaydalarının pozulması və ya yerinə yetirilməməsi) protokol tərtib olunub.
Xatırladaq ki, həmin maddəyə əsasən mülkiyyət formasından asılı olmayaraq müəssisə, idarə və təşkilatlarda, ictimai yerlərdə, anbarlarda, yataqxanalarda və ya digər yaşayış sahələrində, meşələrdə və nəqliyyatda yanğın təhlükəsizliyi standartlarının, normalarının və qaydalarının tələblərinin pozulmasına və ya yerinə yetirilməməsinə görə hüquqi şəxslər 350 manatdan 500 manatadək məbləğdə cərimə edilir.
İş Bakı Şəhəri Nəsimi Rayon Məhkəməsində hakim Babək Pənahovun icraatındadır.
Xatırladaq ki, "Emiland" 10 avqust 2012-ci ildə yaradılıb. Nizamnamə kapitalı 103 270 manatdır.
Qanuni təmsilçisi Hüseynov Hikmət Nazim oğludur. Hüquqi ünvanı Bakı Şəhəri Nərimanov Rayonu, Teymur Əliyev, Ev 86 ünvanında yerləşir.
Mağazalar şəbəkəsi kişi geyimlərinin satışını həyata keçirir.
