“Cəlilabad Şərab-2” ASC -yə idarəçilik qaydaları əleyhinə olan (Müvafiq icra hakimiyyəti orqanının yaratdığı qurumun fəaliyyətinə mane olma) inzibati xəta protokolu tərtib olunub.
FED.az xəbər verir ki, protokol İnzibati Xətalar Məcəlləsinin 548.2-ci maddəsi ilə irəli sürülüb.
İnzibati Xətalar Məcəlləsinin 548.2-ci maddəsinə görə Müvafiq icra hakimiyyəti orqanının yaratdığı qurumun fəaliyyətinin həyata keçirilməsi üçün zəruri olan məlumatların həmin orqanın tələbi ilə maliyyə bazarlarında nəzarət edilən subyekt və emitent tərəfindən təqdim edilməməsinə və ya təhrif olunmuş məlumatın verilməsinə (sahibkarlıq fəaliyyətinin həyata keçirildiyi yerlərə gəlməklə aparılan yoxlamalara münasibətdə bu Məcəllənin 602.4-cü maddəsində nəzərdə tutulmuş hallar istisna olunmaqla) görə vəzifəli şəxslər 500-600 manatadək məbləğdə, hüquqi şəxslər 1500-2000 manatadək məbləğdə cərimə edilir.
İşə Cəlilabad Rayon Məhkəməsində hakim Qalib Paşayev təyin edilib.
Qeyd edək ki, “Cəlilabad Şərab-2” ASC 15.10.1999-cU ildə yaradılıb. ASC-nin nizamnamə kapitalı 352 786 manatdır, qanuni təmsilçisi Məmmədli Qocayev Göyüş oğludur. Hüquqi ünvanı Az1519 Cəlilabad Rayonu, Qarazənvir ünvanında yerləşir.
