“Astara Balıq” ASC -yə idarəçilik qaydaları əleyhinə olan (Müvafiq icra hakimiyyəti orqanının yaratdığı qurumun fəaliyyətinə mane olma) inzibati xəta protokolu tərtib olunub.
FED.az xəbər verir ki, protokol İnzibati Xətalar Məcəlləsinin 548.2-ci maddəsi ilə irəli sürülüb.
İnzibati Xətalar Məcəlləsinin 548.2-ci maddəsinə görə Müvafiq icra hakimiyyəti orqanının yaratdığı qurumun fəaliyyətinin həyata keçirilməsi üçün zəruri olan məlumatların həmin orqanın tələbi ilə maliyyə bazarlarında nəzarət edilən subyekt və emitent tərəfindən təqdim edilməməsinə və ya təhrif olunmuş məlumatın verilməsinə (sahibkarlıq fəaliyyətinin həyata keçirildiyi yerlərə gəlməklə aparılan yoxlamalara münasibətdə bu Məcəllənin 602.4-cü maddəsində nəzərdə tutulmuş hallar istisna olunmaqla) görə vəzifəli şəxslər 500-600 manatadək məbləğdə, hüquqi şəxslər 1500-2000 manatadək məbləğdə cərimə edilir.
İş Astara Rayon Məhkəməsində hakim İlqar Məmmədovun icraatındadır.
Məhkəmə ilə əlaqəli baxış iclası 16.10.2023, saat 14:40-a təyin edilib.
Qeyd edək ki, "Astara Balıq" ASC 28.09.2001 tarixində dövlət qeydiyyatına alınıb.
Şirkətin nizamnamə kapitalı 32 376 manatdır. Qanuni təmsilçisi Hafiz Babalı Ərköyün oğludur.
Hüquqi ünvanı Az0700, Astara rayonu, Astara Şəhəri, Azadlıq ev 68-də yerləşir.
