Ağır iqtisadi durumda olan Livan yerli valyutasını devalvasiya edib.
FED.az xəbər verir ki, devalvasiya - Livan hökuməti və Beynəlxalq Valyuta Fondu arasında ölkəyə 3 milyard dollar maliyyə yardımı göstərilməsi haqqında sazişin tərkib hissəsi olub. Yəni ölkəyə pul o şərtlə ayrılıb ki, yerli valyuta devalvasiya edilsin.
Devalvasiya riski yüksək olan - VALYUTALAR AÇIQLANDI
Ekspert əksər dünya valyutalarının devalvasiyasını - PROQNOZLAŞDIRIB
Ukrayna valyutasını - DEVALVASİYA ETDİ
Prezident 2015-də devalvasiyaya gedilməsinin səbəbini açıqlayıb – “10 milyard dollar itirdik”
Livan Mərkəzi Bankının rəhbəri Riad Salameh milli valyutanın yeni məzənnəsini açıqlayıb. Fevralın 1-dən Livan valyutasının yeni rəsmi məzənnəsi 1 ABŞ dolları üçün 15 min Livan funt-sterlinqinə bərabər olacaq ki, bu da ölkə valyutasının 25 ilə yaxındır dəyişməz qalan rəsmi məzənnəsi (1 ABŞ dolları 1507 Livan funt) ilə müqayisədə 90% devalvasiyası deməkdir.
Devalvasiya bir ölkənin pul vahidinin digər dövlətlərin sərt valyutalarına nisbətdə dəyər itirməsidir. Başqa sözlə, pul daha az başqa valyuta ala bildiyi üçün dəyərdən düşür.
Livan Mərkəzi Bankının rəhbəri bildirib ki, dəyişiklik banklara təsir edəcək və qurumların nizamnamə kapitalının azalmasına səbəb olacaq. Hərçənd «Reuters»in sorğuladığı analitiklər bu dəyişikliyin bütövlükdə iqtisadiyyata təsirinin az olacağını bildirirlər. Çünki Livan iqtisadiyyatı getdikcə dollarlaşır və burada əksər əməliyyatlar onsuz da dolların qara bazardakı qiymətləri ilə həyata keçirilirdi.
Çərşənbə axşamı qara bazarda dollar 57 min Livan funt-sterlinqinə bərabər olub.
Yəni hətta devalvasiyadan sonra da qara bazarda dolların məzənnəsi rəsmi məzənnədən 4 dəfə yüksəkdir.
Mərkəzi Bank rəhbəri Riad Salame qeyd edib ki, ölkənin kommersiya bankları “sərmayələrinin funt-sterlinqdə olan hissəsinin ABŞ dolları üçün 1,5 min əvəzinə 15 min məzənnə ilə dollara çevrildikdən sonra necə azalacağını görəcəklər”.
Tənzimləyici orqanın rəhbəri bildirib ki, bu dəyişikliyin təsirini yumşaltmaq üçün banklara “devalvasiya nəticəsində dəyən zərərin ödənilməsi üçün” beş il vaxt veriləcək.
O, həmçinin qeyd edib ki, valyutanın devalvasiyası Livanın ötən il Beynəlxalq Valyuta Fondu (BVF) ilə əldə etdiyi razılaşma layihəsinə uyğun olaraq bir neçə məzənnənin unifikasiyası istiqamətində atılan addım olacaq. BVF-nin ölkəyə ayırdığı 3 milyard dollar məbləğində maliyyə yardımını açmaq üçün bu şərt yerinə yetirilməlidir.
İndi Livanda bir neçə valyuta məzənnəsi saxlanılır: rəsmi məzənnə, mərkəzi bankın Sayrafa birjasında məzənnəsi. platforma və paralel bazarın məzənnəsi.
Agentlik yazır ki, BVF ilə razılaşma Livanın 2019-cu il böhranının təsirlərindən qurtulması üçün bir yoldur. Livanda kapitala nəzarət heç vaxt rəsmi şəkildə qurulmasa da, banklar 2019-cu ildən etibarən öz nəzarətlərini tətbiq ediblər. Bu, dollar və Livan funt sterlinqində çəkilmələri əhəmiyyətli dərəcədə məhdudlaşdırdı.
