Ukraynaya təcavüzü səbəbindən Qərbin Rusiyaya qarşı tətbiq etdiyi sanksiyalar artıq təsirini göstərməkdədir. Artıq Azərbaycanın şimal qonşusunun iqtisadiyyatı geriləməyə başlayıb.
Rusiya avtomobil şinlərini - İRANDAN ALMALI OLACAQ
FED.az xəbər verir iqtisadçı millət vəkili, Milli Məclisin deputatı Vüqar Bayramov bu prosesin daha da davam edəcəyini bildirib.
«Qlobal sanksiyalar artıq Rusiya iqtisadiyyatına təsir etməkdədir. Şimal qonşumuzda bu ilin ikinci rübündə ÜDM 4.3 faiz azalıb. Rusiya Mərkəzi Bankının proqnozuna görə, üçüncü rübdə sanksiyalara məruz qalan iqtisadiyyat daha 7 faiz kiçiləcək»-deyə millət vəkili bildirib.
“Volkswagen” Rusiyadakı zavodunu - SATIR
Onun sözlərinə görə, iqtisadi çətinliklər artıq özünü rublun məzənnəsində də göstərir: «Bir ay öncə rəsmi məzənnədə dollara nisbətən kursu 57 rubl olan Rusiya valyutası 7 faizə yaxın dəyər itirib. Hətta rəsmi kursda da belə rublun ucuzlaşmasının qarşısını almaq mümkün olmayıb. Rusiyanın enerji gəlirlərində hələlik kəskin azalmalar olmasa da investisiyanın ölkəni tərk etməsi real sektora təsirsiz ötüşmür».
İqtisadçının sözlərinə görə, Rusiyaya tətbiq edilən sanksiyalar tədricən qüvvəyə mindiyinə görə, bundan sonra Rusiya təsirini getdikcə daha çox hiss edəcək: «Bəzi sanksiyalar əvvəl bağlanmış müqavilələr səbəbindən bu ayın sonunda qüvvəyə minəcək. Bu is o deməkdir ki, növbəti aylarda Rusiya iqtisadiyyatında daha çox geriləmələr müşahidə olunacaq. Məhz rəsmi proqnozlar da bunu təsdiq edir».
Enerji sahəsində tətbiq edilən sanksiyalar isə Rusiyanın satış imkanlarını və gəlirlərini azaldacaq:
«Eyni zamanda, Avropa İttifaqı Rusiyadan neft alışını ilin sonunadək 92 faiz azaltmaq niyyətindədir. Mavi qaz verilməsində çətinliklər dərinləşir. Bu isə Rusiyaya daxil olan valyutanın həcmini təsir göstərəcək. Payızdan idxalın artması fonunda yenidən xarici valyutaya tələbin yüksələcəyi gözlənilir. Bu isə təbii ki, rublun məzənnəsinə təsirsiz ötüşmür».
«Öncədən proqnozlaşdırıldığı kimi, sanksiyaların Rusiya iqtisadiyyatına təsirləri qısa deyil, daha çox orta və uzun müddətli dövr üçün dəyərləndirilir. Dünya iqtisadiyyatında da resessiya meyilləri güclənməkdədir. Qlobal proqnozlara neqativ dürüstləşmələr edilir. Bu arada isə Rusiya-Ukrayna müharibəsi yeni mərhələyə qədəm qoymaqdadır»-deyə millət vəkili bildirib.
