“Naxçıvana dəmir yolu xətti çəkməyi planlaşdırırıq”.
FED.az xəbər verir ki, bunu Türkiyənin nəqliyyat və infrastruktur naziri Adil Qaraismayıloğlu deyib.
O, Azərbaycanda yaşanan yeni hadisələrdən sonra Naxçıvan istiqamətində dəmir yolu xətti çəkilməsini planlaşdırdıqlarını bildirib və vurğulayıb ki, bununla bağlı artıq ilkin işlər, ilkin araşdırmalar başa çatıb.
Xatırladaq ki, Azərbaycan, Rusiya prezidentləri və Ermənistanın baş naziri noyabrın 10-da birgə bəyanat imzalayıblar. Naxçıvan Muxtar Respublikasının Azərbaycanın əsas hissəsi ilə əlaqəsi bu sənəddə təsbit edilir. Naxçıvan Muxtar Respublikasını Azərbaycanın əsas hissəsi ilə quru yollarla birləşdirilir.
