Donald Trampın seçkilərdə qələbəsindən sonra ABŞ səhm fondlarına 139,5 milyard dollar yatırılıb. Bu, noyabrı, 2000-ci ildən bəri ən çox sərmayə cəlb edilən ay edib.
Maskın “xAI” startapının dəyəri 40 milyard dolları keçib
FED.az xəbər verir ki, investorlar Trampın vergi endirimləri və tənzimləmə islahatlarına dair vədlərinə inanaraq bazara güclü dəstək veriblər.
S&P 500 indeksi seçki günündən bəri 5,3% artaraq ilin ümumi artımını 28%-ə çatdırıb. Kiçik şirkətlərin səhm dəyəri daha çox yüksəlib və Russell 2000 indeksi üç il ərzində ilk dəfə rekord səviyyəyə çatıb.
Digər tərəfdən, inkişaf edən bazarlardan və Qərbi Avropa fondlarından milyardlarla dollar çıxış olub. Çin fondları 4 milyard dollar itki verərkən, Yaponiyaya yönəlmiş fondlardan 6 milyard dollar çıxış qeydə alınıb.
