İnvestisiya

İsrail investiorları Azərbaycana - İNVESTİSİYA YATIRMAQ İSTƏYİR

İsrail investiorları Azərbaycana - İNVESTİSİYA YATIRMAQ İSTƏYİR | FED.az
11:50 17 Fev 2020

“İsrail investorları Azərbaycana investisiya yatırmaqda maraqlıdır”.

FED.az xəbər verir ki, bunu İsrail-Azərbaycan Ticarət və Sənaye Palatasının prezidenti Aleks Kaplun  İqtisadi İslahatların Təhlili və Kommunikasiya Mərkəzinin (İİTKM) nümayəndələri ilə görüşdə bildirib. Palata rəhbəri əlverişli mühitin mövcud olduğunu da vurğulayıb.

Eləcə də bax: Azərbaycanın - İNVESTİSİYA CƏLBEDİCİLİYİ ARTIB

Görüş zamanı həmçinin Azərbaycanda rəqəmsal iqtisadiyyatın inkişafı, biznes mühitinin şaxələndirilməsi istiqamətində görülən işlərdən danışılıb, yerli startapların qlobal səviyyədə sərmayə cəlbi üçün qarşılıqlı imkanlar müzakirə olunub.  

İİTKM-in Rəqəmsal Ticarət Qovşağının (RTQ) meneceri Nicat Əsədli Rəqəmsal Ticarət Qovşağı vasitəsilə təqdim olunan mobil rezidentliyin xarici iş adamlarının ölkəyə gəlmədən rahatlıqla Azərbaycanda biznes qura bilməsi üçün təqdim etdiyi imkanlar barədə məlumat verib. 

Daha sonra EnterpriseAzerbaijan portalının meneceri Oruc Dursunzadə portalın startaplar üçün təqdim etdiyi crowdfunding, crowdinvesting xidmətlərindən, startaplara toxum, mələk və vençur investorları vasitəsilə sərmayə cəlbi istiqamətində görülən işlərdən danışıb. Bildirib ki, Portal startapların ideya və layihələrinin dünya investisiya bazarına çıxışını asanlaşdırır. 

İsrail-Azərbaycan Ticarət və Sənaye Palatasının prezidenti Aleks Kaplun isə İsrail investorlarının Azərbaycana investisiya yatırmaqda maraqlı olduqlarını qeyd edib. Azərbaycanda xarici investorlar üçün əlverişli biznes mühitinin mövcud olduğunu vurğulayıb və aidiyyəti qurumlarla birgə təcrübə mübadiləsi aparıldığını deyib.  

Modern

Digər xəbərlər

Banner