FED.az xəbər verir ki, InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.
EUR.
Beynəlxalq valyuta birjalarında Amerika iqtisadiyyatı fonunda qeyri-müəyyənliyin artması ilə dolların aparıcı valyutalara nisbətən ucuzlaşması, özünü EURUSD məzənnəsinin bahalaşmasında da göstərməkdədir. Təhlillərə əsasən, avro 1.1850$-ın üzərində qaldıqca, 1.1965$-a kimi də bahalaşa bilər.
Bununla yanaşı, cümə axşamı Bakı vaxtı ilə saat 17:30-da açıqlanacaq Amerikadan inflyasiya göstəriciləri də investorların diqqət mərkəzində olacaqdır.
GBP.
GBPUSD məzənnəsi də bahalaşmaqdadır və 1.3090$-ın üzərində qalan məzənnənin 1.3292$-a kimi də bahalaşacağı proqnozlaşdırılır.
Bununla yanaşı, Breksit ticarət sazişi müzakirələrinə dair açıqlamalar da önəmli rol oynayır.
TRY.
USDTRY məzənnəsi də 8.58TL ilə maksimumumunu yenilədikdən sonra ucuzlaşmağa başlayıb və 8.31TL-nin qırılması ilə 8.12TL-ə kimi də ucuzlaşa bilər.
Cümə günü saat 11:00-da Türkiyədən pərakəndə satış dövriyyəsi ilə bağlı dərc ediləcək önəmli statistik göstəricilər də investorlar tərəfindən böyük maraqla gözlənilir.
OIL.
Foreks bazarlarında dollar ucuzlaşmaqda davam edərsə, bu, enerji bazarlarında neftin də bahalaşmasına səbəb ola bilər. Beləliklə, bir barel Brent neftinin qiyməti 40.67$-ı da qırarsa, 41.46 və 42.36$-a kimi dəyər qazana bilər.
Cümə axşamı saat 20:00-da dərc ediləcək ABŞ-ın neft ehtiyatları ilə göstəricilər də treyderlər tərəfindən böyük maraqla gözlənilir.
GOLD.
Əlvan metallar bazarlarında da qızılın qiyməti dəyər qazanmaqdadır və 1973$-ın (63.4 $/qram) qırılması ilə 1989$-a (64 $/qram) kimi də bahalaşcağı proqnozlaşdırılır.
İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.
“İnvest-AZ İnvestisiya Şirkəti” QSC-nin Analitika Departamenti
“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikasının Mərkəzi Bankı tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.
______________________________________________________________________
Risk bildirişi.
Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.
