Banner

İnvestisiya

“InvestAZ”dan dünya maliyyə bazarları ilə bağlı - Həftəlik Analiz

“InvestAZ”dan dünya maliyyə bazarları ilə bağlı - Həftəlik Analiz | FED.az
10:27 19 Aprel 2021

InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR

Amerikada yüksək inflyasiya dolların qiymətlərinə yük olmaqla, EURUSD məzənnəsinin də 1.19$-ın üzərində ticarət edilməsinə səbəb olur. Lakin hazırda avronun bahalaşması dinamikası da zəifləyib. Bununla yanaşı, cümə günü Bakı vaxtı ilə saat 12:00-da Avrozonadan dərc ediləcək xidmət və sənaye sektorlarına dair önəmli fundamental göstəricilər üzrə proqnozlar da aşağı istiqamətlənib.

GBP

GBPUSD məzənnəsinin də 1.39$-da müqavimətlə rastlaşacağı ehtimal edilir.

İngiltərədə işsizliyin də artması proqnozlaşdırılır. Bununla bərabər, cümə günü saat 12:30-da İngiltərədən də xidmət və sənaye sektorları ilə bağlı vacib göstəricilər açıqlanacaq.

TRY

TCMB faiz qərarında növbəti dəfə dəyişiklik etmədikdən sonra USDTRY məzənnəsi 8 - 8.22TL aralığında üfüqi istiqamətdə dalğalanmaqda davam edir. Beləliklə, növbəti istiqamət sözügədən sərhədlərdən birinin qırılması ilə müəyyən olacaqdır.

OIL

Beynəlxalq enerji birjalarında isə Avropanın Brent neftinin bir barel qiyməti bahalaşsa da, 67$-da müqavimətlə rastlaşıb. Müqavimətin qırılması ilə 71$-ın da aşılması ilə nəticələnən yeni bahalaşma trendi başlaya bilər.

Çərşənbə günü saat 18:30-da dərc ediləcək ABŞ-ın neft ehtiyatları ilə bağlı göstəriciləri bu həftə də treyderlər tərəfindən böyük maraqla gözlənilir.

GOLD

Foreks bazarlarında dolların ucuzlaşması, əlvan metallar bazarlarında qızılın da yenidən dəyər qazanmasına səbəb olur. Təhlillərə əsasən, bir unsiya üzrə qiymət 1810$-a (58.2 $/qram) kimi də bahalaşa bilər.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” QSC-nin Analitika Departamenti

“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikasının Mərkəzi Bankı tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

Risk bildirişi.

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.

Banner
Banner

Digər xəbərlər