FED.az xəbər verir ki, Gəncə Şəhər Statistika İdarəsi 2021-ci ilin yanvar-sentyabr ayları üzrə Gəncə şəhərində tikintinin vəziyyəti haqqında məlumat yayıb.
Əsas kapitala yönəldilmiş vəsaitlər. Gəncə şəhərində 2021-ci ilin yanvar-sentyabr aylarında əsas kapitala 69665,5 min manat məbləğində vəsait yönəldilmişdir. İstifadə olunmuş vəsaitin 15762,0 min manatı və ya 22,6 faizi məhsul istehsalı sahələrinin, 1321,7 min manatı (45,0 faizi) xidmət sahələrinin, 22581,8 min manatı (32,4 faizi) isə yaşayış evlərinin tikintisinə sərf olunmuşdur. Əsas kapitala yönəldilmiş vəsaitlərin 91,7 faizi dövlət, 8,3 faizi isə qeyri-dövlət sektoruna məxsus olmuşdur. Əsas kapitala yönəldilmiş vəsaitlərin 51286,8 min manatı və ya 73,6 faizi bilavasitə tikinti-quraşdırma işlərinin yerinə yetirilməsinə sərf olunmuşdur.
Əsas kapitala yönəldilmiş vəsaitin ümumi həcmində büdcə vəsaitləri 84,6 faiz, müəssisə və təşkilatların vəsaitləri 10,5 faiz, əhalinin şəxsi vəsaitləri 4,9 faiz təşkil etmişdir.
Tikinti müəssisələrinin fəaliyyəti. Gəncə şəhərində 2021-ci ilin yanvar-sentyabr aylarında fəaliyyət göstərən müəssisələr tərəfindən yerinə yetirilmiş işlərin həcmi 11 milyon 671,6 min manat təşkil etmişdir. Ümumi tikinti işlərinin 7940,9 min manatını, yaxud 68,0 faizini hüquqi şəxslərin yerinə yetirdiyi tikinti işləri (ondan 42,9 faizini tikinti, yenidənqurma və genişləndirmə, 13,2 faizini əsaslı təmir, 11,0 faizini cari təmir işləri, 0,9 faizini sair işlər) təşkil etmişdir. 32,0 faizi isə fərdi sahibkarlıq fəaliyyəti ilə məşğul olan fiziki şəxslər tərəfindən yerinə yetirilmişdir. (Marja)
