Banner

İnvestisiya

Dollar indeksi bir ayın maksimumu ətrafında - GÜNƏ BAXIŞ

Dollar indeksi bir ayın maksimumu ətrafında - GÜNƏ BAXIŞ | FED.az
10:05 16 İyun 2021

Amerika Mərkəzi Bankının (FED) bu gün Bakı vaxtı ilə saat 22:00-da açıqlanacaq yeni faiz qərarı və yarım saat sonra baş tutacaq mətbuat konfransında veriləcək önəmli açıqlamalar öncəsi dollar indeksi bir ayın maksimumu ətrafında dalğalanmaqdadır.

Son açıqlanan qarışıq fundamental göstəricilər isə FED-in gələcək mövqeyinə dair proqnozları çətinləşdirib. Belə ki, ticarət dövriyyəsi yenidən kiçilsə, əmək bazarında risklər artsa da, digər tərəfdən sənaye sektorunda güclü inkişaf mövcuddur. Bütün bunlar iqtisadiyyatda inkişafın qeyri-bərabər paylandığının deməyə əsas verir ki, FED-in də açıqlamaları böyük ehtimalla bu istiqamətdə olacaqdır. Bu isə ümumi tendensiyanın müsbət qiymətləndirilməsinə əsas verir. 

Beləliklə, EUR/USD və GBP/USD məzənnələri də təzyiq altında qalmaqdadır. USDTRY və USDRUB məzənnələri də bahalaşır. 

FED-in mümkün açıqlamalarına dair ehtimallar əlvan metallar bazarlarında qızılın da qiymətinə təsir etməkdədir. Belə ki, 1854$-ın qırılması ilə 1825$-a kimi ucuzlaşmanın da şahidi ola bilərik. 

Kriptovalyuta birjalarında isə bitkoin bahalaşmağa başlayıb. Bazara inamın və tələbin artması, BTCUSD qiymətinin 31000$-ın üzərində dəstək görərək, 41000$-a kimi dəyər qazanmasına səbəb olub. 39500$-ın üzərində qalan qiymət, 45000$-a kimi də bahalaşa bilər. 

Məlumat Azərbaycanın InvestAZ İnvestisiya şirkətinin analitikləri tərəfindən hazırlanıb.

Banner
Banner

Digər xəbərlər