Səudiyyə Ərəbistanının vəliəhd şahzadəsi Məhəmməd bin Salman ABŞ-a növbəti dörd il ərzində 600 milyard dollar sərmayə yatırmaq niyyətində olduğunu açıqlayıb.
ByteDance süni intellektə 12 milyard dollar sərmayə yatıracaq
FED.az xəbər verir ki, məlumata görə, şahzadə ABŞ ilə ticarət və investisiya əlaqələrini genişləndirməkdə qərarlı olduqlarını vurğulayıb. Bununla belə, sərmayələrin konkret olaraq hansı sahələrdə olacağı barədə əlavə məlumat verilməyib.
ABŞ son illərdə Səudiyyə neftinə olan asılılığını azaltsa da, krallıq hələ də əsasən ABŞ istehsalı olan silah və müdafiə sistemlərinə güvənir. Bu isə ehtimal edir ki, yeni sərmayələr müdafiə sənayesi və digər strateji sahələri əhatə edə bilər.
Məlumat yayımlandığı gün Donald Tramp yenidən Səudiyyə Ərəbistanına ilk xarici səfərini edə biləcəyini bildirib. Xatırladaq ki, Tramp 2017-ci ildə də prezident kimi ilk səfərini Səudiyyə Ərəbistanına etmişdi və bu səfər zamanı 450 milyard dollarlıq razılaşmalar əldə olunmuşdu.
