Banner

İnvestisiya

Azərbaycandakı investisiya şirkətlərinin məcmu aktivləri - 55% Artıb

Azərbaycandakı investisiya şirkətlərinin məcmu aktivləri - 55% Artıb | FED.az
16:24 3 İyun 2021

Azərbaycan Mərkəzi Bankından yenicə lisenziya almış “ABB-İnvest”, “CPM-İnvest” və “MFX-Trading” istisna olmaqla, ölkənin qiymətli kağızlar bazarında fəaliyyət göstərən 8 investisiya şirkətinin bu il yanvarın 1-nə məcmu aktivləri 86,3 milyon manat təşkil edib.

FED.az xəbər verir ki, bu, ötən il yanvarın 1-i ilə müqayisədə 54,5% çoxdur.

Hesabat dövründə investisiya şirkətlərindən 3-ü – “BTB Kapital” və “İnvest-AZ” və “Plato Capital and Co.” aktivlərini azaldıb, qalanları isə artırıb.

Ötən ilin sonuna investisiya şirkətlərinin məcmu öhdəlikləri 62,5 milyon manat olub ki, bu da əvvəlki ilin sonuna nisbətən 46,9% çoxdur. Maliyyə qurumlarından 4-ü – “Azfinance”, “BTB Kapital”, “İnvest-AZ” və “PSG-Kapital” öhdəliklərini azaldıb, qalanları isə artırıb.

Hesabat tarixinə investisiya şirkətlərinin məcmu balans kapitalı isə 23,8 milyon manat təşkil edib. Bu da illik müqayisədə 78,7% çoxdur. Maliyyə qurumlarından 1-i – “Plato Capital and Co” balans kapitalını azaldıb, qalanları isə artırıb.

Bu il yanvarın 1-nə investisiya şirkətlərinin məcmu nizamnamə kapitalı isə 12,8 milyon manat olub. Bu isə ötən il yanvarın 1-nə nisbətən 50% çoxdur. Maliyyə qurumlarındaın 1-i – “Plato Capital and Co.” nizamnamə kapitalını artırıb, qalanları sabit saxlayıb. (Report)

Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.

Banner
Banner

Digər xəbərlər