Maliyyə Bazarlarına Nəzarət Palatası «İnvestisiya fondlarının və idarəçinin hesabatlarına dair tələblər, habelə onların təqdim edilməsi və açıqlanması Qaydaları»nı təsdiqləyib. Bu barədə FED.az-a Palatadan bildirilib.

Məlumatda deyilir ki, bu qaydalar “İnvestisiya fondları haqqında” qanuna uyğun olaraq hazırlanıb. Qaydalara əsasən, investisiya fondunun səhmdarları və idarəçiləri Palataya yarımillik və illik hesabatlar təqdim edir. Onların tərkibi qaydalarda göstərilib (aşağıdadır). Qaydalara görə, illik hesabat 4 ay ərzində, yarım illik hesabat 2 ay ərzində, rüblük hesabat 10 gün, aylıq hesabat isə 5 gün ərzində hazırlanıb təqdim edilməlidir.