Banner

İnvestisiya

Avro müsbət göstəricilər ilə - Bahalaşır

Avro müsbət göstəricilər ilə - Bahalaşır | FED.az
10:08 23 Fev 2021

Avrozona iqtisadiyyatına dair fundamental göstəricilərin müsbət açıqlanması, EUR/USD məzənnəsinin bahalaşmasına səbəb olur. Digər tərəfdən Avropa Mərkəzi Bank sədrinin bazar ertəsi istiqraz bazarlarında gəlirliyi də nəzarətdə saxladıqlarını bildirməsi, yumşaq monetar siyasətin daha uzun müddət davam edəcəyi ehtimallarını artırır. Bu isə avroda bahalaşmanın məhdud qala biləcəyinə işarədir. Bununla yanaşı, investorlar Amerikadan inflyasiya göstəricilərini də diqqət mərkəzində saxlayırlar və bu istiqamətdə formalaşan proqnozlar da avro/dollar gələcək məzənnəsində böyük rol oynayaqcaqdır. 

GBP/USD məzənnəsi də bahalaşan neft qiymətləri və İngiltərə Mərkəzi Bankın monetar siyasətində əlavə yumşalma tədbirlərinə getmədiyi üçün maksimum səviyyələrini yeniləməkdədir. 

USD/TRY və USD/JPY məzənnələrinin isə müvafiq olaraq 6.96 lirə və 105 yen dəstək səviyyələrinin üzərində möhkəmləndiyi müşahidə edilir. 

Əlvan metallar bazarlarında qızılın qiyməti də foreks bazarlarında ucuzlaşan dollar fonunda dəyər qazanmaqdadır. Qızıla alternativ sərmayə maliyyə aləti kimi yanaşılan bitkoin isə 46600$-a kimi korreksiya etdikdən sonra yenidən bahalaşmağa başlayıb. Hazırda 49800$-a ticarət edilən BTC/USD məzənnəsi üzrə 44000, 48000 və 54000$ müvafiq olaraq gələcək günlərin önəmli dəstək və müqavimət səviyyələri olacaqdır. Orta müddətli perspektivdə önəmli növbəti müqavimət səviyyəsi 73600$-dır. Riplin də 0.50$-ın üzərində dəstək görəcəyi proqnozlaşdırılır.  

Məlumat Azərbaycanın İnvestAZ İnvestisiya şirkətinin analitikləri tərəfindən hazırlanıb.

Banner
Banner

Digər xəbərlər