İnvestisiya

ABŞ-dan Azərbaycana böyük Ticarət missiyası gəlir -27 ŞİRKƏT

ABŞ-dan Azərbaycana böyük Ticarət missiyası gəlir -27 ŞİRKƏT | FED.az
19:36 14 Okt 2017

Amerika Birləşmiş Ştatları-Azərbaycan Ticarət Palatası və ABŞ-ın Kommersiya Departamenti 16-18 oktyabr tarixlərində Azərbaycana gələcək 14 ABŞ şirkətlərindən ibarət olan Ticarət Missiyasına rəhbərlik edəcək.

FED.az xəbər verir ki, ABŞ-ın Azərbaycandakı səfirliyindən verilən məlumata görə, Missiya 27 şirkətdən ibarət indiyə qədər Azərbaycana gəlmiş ən böyük ABŞ Ticarət missiyası olacaqdır. Şirkətlər ticari sektorların geniş və müxtəlif sahələrini təmsil edir və burada olduqları zaman iki ölkənin iş adamları və iş adamları ilə-hökumət nümayəndələri arasında keçirilən görüşlərdə iştirak edəcək. Şirkətlər İqtisadiyyat Nazirliyi və AzPromo ilə də dəyirmi masa keçirəcək.

Nümayəndə heyətini Türkiyə və Azərbaycan üzrə Ticarət Missiyalarının Müşaviri Vilyam Czajkovski və Xarici Özəl İnvestisiya Korporasiyasının İcraçı Direktoru Kenes Engıl də müşayiət edəcək. Onlar ABŞ-ın Azərbaycandakı səfiri Robert F.Sekuta ilə birlikdə, hökumət nazirlikləri ilə görüşüb Azərbaycan hökumətinin həyata keçirdiyi islahatları və daha çox ABŞ investisiyalarını cəlb etmək üçün Azərbaycana necə kömək etmələrini müzakirə edəcək.

Digər xəbərlər