Banner

İnvestisiya

10 bankın qiymətli kağızlara investisiyaları azalıb - SİYAHI

10 bankın qiymətli kağızlara investisiyaları azalıb - SİYAHI | FED.az
08:27 5 Mart 2019

Bu il yanvarın 1-nə olan vəziyyətə görə, Azərbaycanda fəaliyyət göstərən 30 bankdan 21-nün aktivlərində qiymətli kağızlara investisiyalar olub ki, bunlardan da 10-da fond bazarında investisiyaların illik dinamikası mənfi olub.

FED.az xəbər verir ki, həmin banklar Pakistan Milli Bankının Bakı filialı, "Xalq Bank", "Rabitəbank", "Atabank", "Bank Respublika", "Unibank", "Zıraat Bank Azərbaycan", "Access Bank", "Amrah Bank" və "Bank of Baku"dur. Ən çox azalma "Amrah Bank"da və "Bank of Baku"da (100%), ən az azalma isə Pakistan Milli Bankının Bakı filialında (0,9%) qeydə alınıb.

Eləcə də bax:Azərbaycan banklarının 8 Mart ve Novruz kampaniyalari – SİYAHI

11 bankda isə qiymətli fond bazarına investisiyalar artıb. Bunlar "Azər-Türk Bank", "Nikoyl Bank", "PAŞA Bank", "Bank Avrasiya", "Yapı Kredi Bank Azərbaycan", "Bank BTB", Kapital Bank", "AFB Bank", İran Milli Bankının Bakı filialı, "Turan Bank" və "Azərbaycan Beynəlxalq Bankı"dır. Ən yüksək dinamika "Azər-Türl Bank"da (12,1 dəfə), ən aşağı dinamika isə "Azərbaycan Beynəlxalq Bankı"nda (4,9%) qeydə alınıb.

2 bank - "Bank VTB Azərbaycan" və "Express Bank" qiymətli kağızlara investisiya qoymağa yenicə başlayıb. 7 bank - AGBank", "Azərbaycan Sənaye Bankı", "Günay Bank", "Muğan Bank", "Naxçıvan Bank", "NBC Bank" və "Premium Bank" isə son 1 ildə fond bazarına investisiya qoymayıb. Odur ki, bu bankların investisiyalarının dinamikasını hesablamaq mümkün olmayıb.

Digər xəbərlər

Banner