Ötən gün axşam saatlarında Sabirabadın Axtaçı Muğan kəndində yerləşən pambıq zavodunda yanğın olub. Bəzi sayt və sosial şəbəkələrdə yayılan məlumata görə, hadisə zamanı zəhərlənən və xəsarət alanlar var.
Sabirabadda pambıq zavodunda yanğın olub - FOTOLAR
FED.az xəbər verir ki, FHN-dən bildirilib ki, yayılan xəbərlər doğru deyil.
"Sabirabadda baş vermiş yanğın hadisəsi nəticəsində ümumiyyətlə, zəhərlənən və xəsarət alan olmayıb", - deyə nazirlikdən bildirilib.
Qeyd edək ki, Sabirabad rayonunun Axtaçı Muğan kəndində pambıq emalı zavodunda baş vermiş yanğın Fövqəladə Hallar Nazirliyinin yanğından mühafizə bölmələri tərəfindən söndürülüb.
