Rusiya Federasiyasının Dağıstan Respublikasında Mahaçqala şəhərindəki yanacaqdoldurma məntəqəsində baş verən partlayışla əlaqədar matəm elan olunub.
Türkiyədə limanda partlayış baş verib - 10 NƏFƏR YARALANIB
FED.az xəbər verir ki, bu barədə Dağıstan Respublikasının rəhbəri Sergey Məlikov fərman imzalayıb.
Fərmana əsasən bu gün Dağıstanda matəm elan edilib.
***
Rusiya Federasiyasının Dağıstan Respublikasının paytaxtı Mahaçqala şəhərindəki yanacaqdoldurma məntəqəsində baş verən partlayış nəticəsində ölənlərin sayı yenidən artıb.
Ölənlərin sayının 27 nəfərə çatdığı, 75-nin isə yaralandığı qeyd olunub.
***
Mahaçqalada yanacaqdoldurma məntəqəsində baş vermiş partlayışda ölənlərin sayı artıb.
Bu barədə Rusiya mətbuatı məlumat yayıb.
Hadisə nəticəsində 25 nəfər həlak olub.
Xəsarət alan 66 nəfərdən 10-un vəziyyəti ağır qiymətləndirilir.
Yanğın gecə saat 2 radələrində söndürülüb.
***
Rusiya Federasiyasının Dağıstan Respublikasının paytaxtı Mahaçqala şəhərindəki yanacaqdoldurma məntəqəsində baş verən partlayış nəticəsində ölənlərin sayı 12 nəfərə çatıb.
Bu barədə Dağıstan Daxili İşlər Nazirliyi məlumat yayıb.
Ölənlərdən ikisinin azyaşlı olduğu deyilir.
Hadisədə yaralananların sayı 56 nəfərdir.
***
Rusiyanın Dağıstan Respublikasının paytaxtındakı Mahaçqala şəhərində yanacaqdoldurma məntəqəsində partayış baş verib.
Hadisə nəticəsində 10 nəfər ölüb.
50-dən çox insan yaralanıb, ölənlər arasında uşaqlar da var.
Yanğın yaxınlıqdakı evlərə də keçib. Daha bir partlayış təhlükəsi var. (Apa)
