“Dünyada mina təhlükəsinin qarşısını almaq və insanların həyatını xilas etmək şirkətimizin ən əsas vəzifəsidir və biz bunun üçün çalışırıq. Azərbaycanın işğaldan azad olunmuş ərazilərində minaların təmizlənməsi və insanların öz yaşayış məskənlərinə daha təhlükəsiz şəkildə qayıtması üçün ANAMA şirkəti ilə əməkdaşlıq edirik”.
Böyük Britaniyanın "RPS Energy Ltd" şirkətinin əməkdaşları Tərtərdə minaya düşdü - 3 NƏFƏR ÖLDÜ
FED.az xəbər verir ki, bunu Böyük Britaniyanın "RPS Energy Ltd" şirkətinin partlayıcılar üzrə mühəndislik xidmətinin texniki direktoru David Denman deyib.
Denman qeyd edib ki, Azərbaycan dövlətinin prioritetlərinə və siyasətinə uyğun olaraq, "Böyük Qayıdış" proqramının həyata keçirilməsi istiqamətində mina təhlükəsinin aradan qaldırılması və əlverişli yaşam şəraitinin yaradılması məqsədi ilə innovativ texnologiyalar tətbiq edilir.
"ANAMA ilə əməkdaşlıq edən Böyük Britaniyanın RPS Energy Ltd. şirkəti tərəfindən təqdim edilən süni intellektin proqram təminatı vasitəsilə təchiz edilən dronlar, işğaldan azad edilmiş ərazilərdə mina sahələrinin tədqiqat və təhlil xidmətlərinə cəlb olunub. RPS Partlayıcılar üzrə Mühəndislik Xidmətləri çoxsaylı ölkələrdə bir sıra mina/PHS layihələrini uğurla tamamlamışdır", - deyə o əlavə edib.
O qeyd edib ki, Mina Sahələrinin Havadan Tədqiqatı - RAMS (Remote Aerial Minefield Survey) sistemi çirklənmiş ərazini təhlükəsiz ərazidən ayırd etməyə imkanı verir.
“Tətbiq edilən sistem, Beynəlxalq Minatəmizləmə Standartları əsasında Qeyri-Texniki Tədqiqatı həyata keçirir. Dronların üzərindəki geniş spektorlu (Multispectral), termal (Thermographics) və yüksək dəqiqli (RGB) kameralar bir-birini tamamlayaraq, ərazi üzrə məlumatların toplanılmasını təmin edir. Əldə edilən məlumatlar xəritə üzərində emal edilir və partlayıcı qurğularla çirklənmiş ərazilər müəyyən edilir, eləcə də layihələr üzrə minatəmizləmə resurslarının səmərəli istifadəsini təmin etməyə öz töhfəsini verir".
David Denman qeyd edib ki, süni intellekt vasitəsilə əldə edilmiş məlumatlar bir daha işğaldan azad edilmiş ərazilərin ciddi şəkildə minalarla çirklənmə səviyyəsini sübut edir. O, Tərtərdə şirkətin 3 əməkdaşının mina partlayışında həlak olması faktına diqqət çəkib.
“Ərazilərdə mövcud mina problemi keçmiş məcburi köçkünlərin öz doğma yurdlarına sağlam geri qayıdışına, həmin ərazilərdə fəaliyyət göstərən bərpa-quruculuq işlərinə cəlb edilən, eyni zamanda səfər edən insanların həyat və sağlamlığı üçün ciddi təhdidlər yaradır. Əməkdaşlıq çərçivəsində süni intellektin istifadəsi ilə işğaldan azad edilmiş rayonlarda 51 min hektar ərazi təhlil edilib. Təəssüf hissi ilə bildirmək istəyirəm ki, son mina partlaması nəticəsində 3 nəfər həyatını itirdi və bu faciələrin qarşısını almaq üçün fəaliyyətimizi davam etdiririk. 28 aprel tarixində baş verən mina hadisəsi bir daha ərazilərin ciddi şəkildə minalanmasına və insan həyatına törətdiyi təhlükəyə dair dəlalət verir", o qeyd edib. (Apa)
