Banner

Energetika

SOCAR nümayəndəsi: «Neft məhsullarının istehlakı 50-60% azalıb»

SOCAR nümayəndəsi: «Neft məhsullarının istehlakı 50-60% azalıb» | FED.az
14:08 10 Aprel 2020

Koronavirus və neftin ucuzlaşması səbəbindən dünya bazarında neftin qiymətinin kəskin enməsi və iqtisadi aktivliyin zəifləməsi «SOCAR Türkiyə» şirkətinin fəaliyyətinə də mənfi təsirini göstərib. 

FED.az xəbər verir ki, bu barədə məlumat verən şirkətin rəhbəri Zaur Qəhrəmanov bildirib ki, virus pandemiyasından əvvəl işlər qaydasında gedirdi, amma sonra vəziyyət dəyişib: «STAR NEZ-imiz tam gücü ilə işləyirdi və yaxşı bir proses keçirdik. Təəssüf ki, Kovid-19 da layihələrimizə təsir göstərir. İndi ən vacib məsələ istehlakdır. ARDNŞ olaraq 15 ölkədə işləyirik və istehlakda 50-60 faiz azalma var. Uçuş qadağaları səbəbindən reaktiv yanacaq sərfi də əhəmiyyətli dərəcədə azalıb. Yeni bir emal zavodu olduğu üçün texnologiyamız istehsalın rahatlığını təmin edir. Reaktiv yanacaq istehsalımızı mart ayından dizelə çevirdik.

Son bir ayda dizel istehlakında 15 faiz azalma da oldu. Sosial təcrid davam edərsə, bu tənəzzül davam edəcəkdir. Hesablamalarımıza görə, istehlakın azalması 40 faizə çatsa, NEZ-in gücünü 10-15 faiz azaltmalı olacağıq. Əlbətdə ki, ümid edirik ki, olmur, amma hər hansı bir ssenariyə hazırıq. Üstünlüklərimizdən biri də NEZ-in neft-kimya ayaqlarına sahib olmasıdır. Neft-kimya zavodumuzda istehsal hazırda yaxşı gedir. Ancaq bu vəziyyət bütün istehsalımıza baxdıqda 2-3 ay davam edərsə, bəzi addımlar atmalı olacağıq».

Digər xəbərlər

Banner