Energetika

OPEK sədri: Neft 40 dollara qalxacaq

OPEK sədri: Neft 40 dollara qalxacaq | FED.az
08:42 27 Aprel 2020

Əlcəzairin Enerji Naziri və Neft İxrac edən Ölkələr Təşkilatının (OPEC) prezidenti Muhammed Arkab, neftin qiymətinin ilin ikinci yarısında 40 dollara qədər artacağını gözlədiklərini söyləyib.

Eləcə də bax: Brent markalı neft ucuzlaşıb - QİYMƏT

FED.az-ın məlumatına görə, Əlcəzair dövlət radiosuna danışan Arkab yeni növ koronavirus (Kovid-19) səbəbiylə kəskin eniş səbəbiylə neftin qiymətinin sonrakı günlərdə bərpa olunacağını gözlədiklərini söyləyib.

Arkab, OPEK-ə üzv ölkələrin hasilatı məhdudlaşdırma qərarının icrası ilə may və iyun aylarında barrel neftinin qiymətinin may və iyun aylarında 40 dollara qədər artacağını proqnozlaşdırıb.

OPEC prezidenti Arkab keçən həftə baş verən böyük ucuzlaşmadan sonra neft bazarının ötən günlərdə müsbət siqnallar verdiyinə diqqət çəkib.

Qeyd edək ki, Neft İxrac edən Ölkələr Təşkilatı (OPEC) və bəzi OPEC istehsalçısı olmayan ölkələr aprelin 10-da əldə etdikləri razılaşma ilə neft hasilatına mühüm məhdudiyyət qoymuşdular.

Buna görə, OPEC +  ölkələri gündəlik xam neft hasilatı həcmini 1 May - 30 İyun arasında 10 milyon barelə, 1 İyul - 31 Dekabr arasında 8 milyon barrelə və 1 Yanvar 2021 - 30 Aprel 2022 tarixində gündə 6 milyon barrelə endirməsi qərara alınıb.

Xatırladaq ki, hazırda Brent markalı neftin bir barelinin qiyməti beynəlxalq bazarlarda 21,7 dollara satılır.

Digər xəbərlər