ABŞ-ın dövlət katibi Antony Blinken ölkəsinin Çinlə münasibətləri barədə danışarkən, keçmiş prezident Trampıın bu sahədəki siyasətini də qiymətləndirib.
FED.az xəbər verir ki, Blinken, keçmiş prezident Donald Trampın tərzi səhv olsa da Çinə yanaşmasının doğru olduğunu söyləyib.
CNN televiziyasında Kurt Blitzerin suallarını cavablandıran Blinken, ABŞ-ın Çin ilə əlaqələr, istər əməkdaşlıq, istər rəqabət, istərsə də güclü bir mövqedən qurması lazım olduğunu söyləyib.
"Ədalətli danışsaq, prezident Trampın Çinə sərt yanaşması doğru idi. Bu doğru şey idi. Bunu necə etməsi, yəni tərzi səhv idi, ancaq təməl prinsip doğru idi".
ABŞ naziri, Çinlə güclü bir mövqedən əlaqələr qurmaq üçün Vaşinqtonun ittifaqlarını gücləndirməli olduğunu söylədi.
Çinin ABŞ-ın geri çəkildiyi və nişan qurmağı dayandırdığı ölkələrdə yerləşdiyini söyləyən Blinken belə davam etdi:
"Sincan bölgəsindəki uyğurların hüquqları pozulduqda və ya Hong Kongda demokratiyadan sui-istifadə edildikdə, mümkün bir hücumun qarşısını almaq üçün hərbi mövqedə olmağımız, xalqımıza təsirli bir şəkildə rəqabət etməyimiz üçün sərmayə qoymalıyıq. Bütün bunları ediriksə və bunların hamısı bizim nəzarətimiz altında olarsa, Çinə qarşı güclü mövqedən çıxış edə bilərik".
Blinken, Prezident Jo Bayden administrasiyasının ABŞ xarici siyasətinin mərkəzində insan haqları və demokratiyanı qoyacağını, ABŞ-ın Uyğurların hüquqlarının pozulması ilə əlaqədar digər ölkələrlə ortaq şəkildə hərəkət edəcəyini bildirib.
