Ukrayna və Moldovada Rusiyaya qarşı yeni qadağalar qüvvəyə minib.
FED.az xarici mətbuata istinadən xəbər verir ki, əvvəla Rusiya vətəndaşlarının Ukraynaya daxilolması üçün viza tələb olunacaq. Rusiyada Ukrayna səfirliyi fəaliyyət göstərmədiyi Ukrayna ilə Rusiya arasında viza məsələləri 3-cü ölkə vasitəsilə həll ediləcək. Hazırda bunun hansı ölkə olacağı dəqiqləşdirilir.
Bundan başqa, Ukrayna Ali Radası Ukrayna mediasında və ictimai məkanda rus və belarus kitablarının, musiqilərinin yayılmasını, istifadəsini qadağan edib. Bu barədə Ali Radanın deputatı Yaroslav Jeleznyak məlumat verib. «Parlament Rusiya Federasiyasından, onun müvəqqəti işğal etdiyi Ukrayna və Belarus ərazilərindən kitab və digər nəşriyyat məhsullarının idxalını və yayılmasını qadağan edib», - deputat qeyd edib.
O, həmçinin bildirib ki, Ali Rada Ukrayna KİV-də və ictimai yerlərdə Rusiya musiqisinin səsləndirilməsini də qadağan edib. Maraqlıdır ki, Rus musiqisi və kitablarına olan qadağa barədə qanun layihəsinə Radanın 450 deputatından 303 deputatı səs verib.
Yeri gəlmişkən, bir neçə gün əvvəl Ukraynanın Xmelniski vilayətinin rəhbərliyi rus dilində filmlərin və reklamların yayımını qadağan edib.
Moldovada isə Rusiyadan olan xəbərlərin və siyasi şouların yayım ı qadağan edilib. Moldova prezidenti Maya Sandu iyunun 19-da imzaladığı fərmanla Rusiyadan olan xəbər proqramlarının Moldova ərazisində yayımını qadağan edib. Rusiya səfirliyi bu qərara etiraz edib. Qeyd edək ki, Rusiya televiziyalarına qqadağalar ilk dəfə deyil.
İyunun 3-də Avropa birliyinin elan etdiyi qərara əsasən Avropada «Rossiya-24», «TV-Sentr» və «RTR-Planeta» telekanallarının yayımı qadağan ediləcək. Buna səbəb sözügedən kanalların dezinformasiya yaymasıdır.
