Türkiyənin Quru Qoşunları Xüsusi Mina Axtarış və Təmizləmə (ÖMAT) qrupundan daha 136 nəfər Azərbaycana gəlib.
FED.az xəbər verir ki, bu barədə Türkiyə Milli Müdafiə Nazirliyi məlumat yayıb.
“Azərbaycan Silahlı Qüvvələrinin qəhrəmancasına və fədakarlıqla Ermənistan işğalından xilas etdiyi Qarabağda mina və partlayıcılardan təmizlənməsi prosesi davam edir. ÖMAT qrupunda xidmət edən 136 nəfərdən ibarət heyət ərazilərin minalardan təmizlənməsinə dəstək və təlim məqsədilə Azərbaycana gedərək vəzifəsinin icrasına başlayıb”, - deyə məlumatda deyilir.
