ABŞ prezidenti Donald Tramp Pakistanın vasitəçiliyi ilə İrana qarşı hərbi hücumların iki həftəlik dayandırıldığını elan edib.
FED.az biznes və maliyyə xəbərləri portalı xəbər verir ki, Tramp atəşkəsin ikitərəfli olacağını və İranın Hörmüz boğazını tam və təhlükəsiz şəkildə açması şərti ilə olacağını bildirib.
ABŞ Prezidenti Donald Tramp İrana qarşı bombardman və hücumların iki həftə müddətinə dayandırıldığını elan edib. Tramp bu müddətin davamlı sülh müqaviləsinin bağlanması üçün istifadə olunacağını bildirib.
Sosial mediada verdiyi açıqlamada Tramp atəşkəsin "ikitərəfli" olacağını vurğulayaraq, İranla danışıqların irəliləyiş mərhələsinə çatdığını bildirib.
Tramp açıqlamasında bildirib ki, "İranın bombardman və hücumlarını iki həftə müddətinə dayandırmağa razıyam. Bu iki həftəlik müddət razılaşmanın yekunlaşdırılmasına və tamamlanmasına imkan verəcək".
Tramp açıqlamasında Pakistanın atəşkəsdə həlledici rolunu vurğulayıb. ABŞ prezidenti Pakistanın Baş naziri Şahbaz Şərif və Ordu Baş Qərargah rəisi, feldmarşal Asim Munirin İrana planlaşdırılan hücumu dayandırmaq istəyinin onun qərarında həlledici amil olduğunu bildirib.
Tramp həmçinin atəşkəs üçün vacib ilkin şərtini açıqlayıb. O, İranın Hörmüz boğazını təhlükəsiz şəkildə açmalı olduğunu vurğulayıb və bu şərt yerinə yetiriləcəyi təqdirdə hərbi əməliyyatların iki həftəlik dayandırılacağını təsdiqləyıb.
Tramp ABŞ-la İran arasında keçmişdə olan fikir ayrılıqlarının əksəriyyəti ilə bağlı razılığa gəlindiyini bildirərək, İrandan 10 maddəlik təklif aldıqlarını və bu təklifin danışıqlar üçün etibarlı bir əsas yaratdığına inandıqlarını əlavə edib.
ABŞ prezidenti diplomatik prosesin müsbət istiqamətdə irəlilədiyini bildirərək, "İranla uzunmüddətli sülhə dair qəti razılaşmaya çox yaxınıq" deyib.
Razılaşmaya uyğun olaraq İran tərəfi Hörmüz boğazını iki həftə müddətinə nəqliyyat vasitələrinin üzünə açıb.
İranın xarici işlər naziri Abbas Əraqçi bildirib ki, "Atəşkəs dövründə Hörmüz boğazından təhlükəsiz keçid İran ordusu ilə koordinasiyalı şəkildə mümkün olacaq".
