Sudan istifadə yeni qaydalarla tənzimlənəcək və buna uyğun da tariflər müəyyən ediləcək.
Nazir müavini: "Son 5 ildə suvarma sistemlərinin qurulmasına 93 milyon manat subsidiya ayrılıb"
FED.az xəbər verir ki, tariflər suyun istifadəsi üzrə sahəyə və ehtiyaca uyğun olacaq.
Bu, "Su ehtiyatlarından səmərəli istifadəyə dair Milli Strategiya"da əksini tapıb. Strategiyaya əsasən, 2024-2027-ci illərdə müxtəlif istehlakçılar arasında sudan ödənişli istifadə üzrə tarif tənzimləmələrinin başa çatdırılması, tariflərin diferensiallaşdırılmasına keçidlə bağlı mexanizmlərin hazırlanması və tətbiqinə başlanılması planlaşdırılır. Bunun üçün "sudan ödənişli istifadə Qaydaları"nın təkmilləşdirilməsi, sudan ödənişli istifadə üzrə tariflərə yenidən baxılması nəzərdə tutulur.
Ekspertlərin fikrincə, burda söhbət təkcə içməli sudan getmir.
