Bu gün Rusiya Dövlət Dumasının plenar iclası keçirilib.

Eləcə də bax: Rusiyada hökumət dəyişikliyi - BAŞ VERİR - YENİLƏNİR

FED.az xəbər verir ki, plenar iclasda Federal Vergi Xidmətinin rəhbəri Mixail Mişustinin Rusiyanın Baş Naziri vəzifəsinə təyin olunmasına razılıq verilməsi haqda məsələ müzakirəyə çıxarılıb.

Rusiya parlamentinin spikeri Vyaçeslav Volodin plenar iclası açıq elan etdikdən sonra Rusiya Prezidentinin Dövlət Dumasındakı səlahiyyətli nümayəndəsi Qarri Minx çıxış edib.

İclasda M. Mişustin də çıxış edib. O, göstərdiyi yüksək etimada görə Rusiya Prezidentİ Vladimir Putinə təşəkkürünü bildirib. M.Mişustin yeni hökumətin rəhbəri vəzifəsində dövlət başçısı tərəfindən qarşıya qoyulan tapşırıqların yerinə yetirilməsi barədə görəcəyi işlərdən danışıb, yeni hökumətin prioritet istiqamətlərini açıqlayıb.

M.Mişustin deputatların suallarını cavablandırıb.

Sonda səsvermə keçirilib. 383 nəfər lehinə səs verib, 41 nəfər bitərəf qalıb, əleyhinə səs verən olmayıb.

Duma M. Mişustini Baş Nazir vəzifəsinə təsdiqləyib.