Digər

Qəzada vəfat edən iş adamı – ƏLİŞAH SÜLEYMANOV KİM İDİ?

Qəzada vəfat edən iş adamı – ƏLİŞAH SÜLEYMANOV KİM İDİ? | FED.az
11:59 16 Okt 2019

Xəbər verildiyi kimi, oktyabrın 15-də Rusiyada yaşayan uğurlu azərbaycanlı işi adamlarından biri, Çelyabinskdə işləyən Əlişah Süleymanov avtomobil qəzasında həlak olub.

FED.az xəbər verir ki, hadisə Yujnouralsk-Maqnitoqorsk trasında baş verib.

Eləcə də bax: Azərbaycanlı iş adamı Rusiyada - YOL QƏZASINDA ÖLÜB

Əlişah Suleymanovun olduğu «Toyota Land Cruiser» idarəetməni itirərək aşıb. Biznesmen aldığı xəsarətlərdən yerindəcə vəfat edib, sürücü xəstəxanaya götürülüb.

Vəfat edən azərbaycanla biznesmen kim idi?

Əlişah Süleymanov 1960-cı ildə anadan olub, Azərbaycan inşaat mühəndisləri institutunu bitirib və 1995-ci ildə Çelyabinskə köçüb.

Biznesə fərdi sahibkar kimi, bazarda mağaza açmaqla başlayıb. Ailəli olub, 3 övladı var.

Vəfat edəndə isə Əlişah Süleymanov müxtəlif sahələrdə fəaliyyət göstərən çoxsaylı şirkətləin sahibi olub. Bu şirkətlər şirniyyatdan tutmuş tikintiyədək fəaliyyət göstərir. Süleymanov «Ruslada» ASC-nin də sahibidir.

«Ruslada» ticarət evi regionun ən böyük şirniyyat şirkətidir və 250-dən artıq şirniyyat fabrikinin distribütorudur.

Süleymanovun öz şirkətləri də şirniyyat istehsal edir. Bunlar «Kolos», «Rusladko», «Malinkin» və Limerick adları ilə satılır.

Ə.Süleymanov daşınmaz əmlakın alış-satışı və kirayəsi ilə məşğul olan firmanın da sahpbi olub.

Süleymanovlar ailəsi Cənubi Uralda rekreasiya və sanatoriya biznesini də inkişaf etdirir. Bir neçə il əvvəl ailə Smolino gölünün sahilində «Solneçnıy bereq» layihəsini reallaşdırıb. Nəticədə istifadəsiz sahil xətti məşdur çimərliyə çevrilib.

Onu Uralın ən uğurlu biznesmenlərindən hesab edirdilər.

 

Digər xəbərlər