Dövlət Duması Mixail Mişustini yenidən Rusiyanın Baş naziri vəzifəsinə təsdiqləyib.
Rusiya hökuməti istefa verdi - PUTİN QƏBUL ETDİ
FED.az xəbər verir ki, məlumatı TASS yayıb.
Dövlət Duması plenar iclasda Mixail Mişustinin Rusiya hökumətinin sədri vəzifəsinə təsdiq edilməsinə səs verib. Məlumata görə, M. Mişustinin bu vəzifəyə təyin edilməsi ilə bağlı Dövlət Dumasının müvafiq qətnaməsi Prezident Vladimir Putinə göndəriləcək. Səsvermədə Kommunist Partiyası bitərəf qalıb.
Bildirilib ki, onun namizədliyi ilə bağlı təklif mayın 10-da Rusiya Prezidenti Vladimir Putin tərəfindən Dumaya daxil olub. Səsvermədə M.Mişustinin namizədliyinin lehinə 375 deputat səs verib, 57 deputat bitərəf qalıb, əleyhinə səs verən olmayıb. (Report)
