HƏMAS-ın İsrailə hücumu nəticəsində 3 Azərbaycan vətəndaşı həlak olub, 1 nəfər isə itkin düşüb.
FED.az xəbər verir ki, bu barədə İsrail KİV-ləri məlumat yayıb.
Məlumatda HƏMAS-İsrail müharibəsi nəticəsində həlak olan və itkin düşən əcnəbilərin siyahısı da əks olunub. Siyahıya əsasən, ümumilikdə, müharibə nəticəsində 218 nəfər xarici ölkə vətəndaşı həlak olub, 78 nəfər itkin düşüb.
Qeyd edək ki, Azərbaycan Xarici İşlər Nazirliyinin məlumatına görə, həlak olan azərbaycanəsilli şəxslərin sayı 8 nəfərdir. (Report)
