Banner
Banner

Digər

İranda nüvə alimi öldürüldü

İranda nüvə alimi öldürüldü | FED.az
19:36 27 Noy 2020

İranın nüvə sahəsi üzrə fiziki Möhsün Fəxrizadə Tehran əyalətində qətlə yetirilib.

FED.az TASS-a istinadən xəbər verir ki, məlumatı İranın Müdafiə Nazirliyi təsdiq edib. Alim İranının Müdafiə Nazirliyinin Araşdırma və İnnovasiya Təşkilatının rəhbəri olub.

"Bu gün terrorçular Möhsün Fəxrizadəyə silahlı hücum ediblər. Həkimlər briqadası onun həyatını xilas edə bilməyiblər", - deyə nazirliyin məlumatında deyilir.

"Fars" agentliyinin məlumatına görə, alimə Damovənd rayonunda hücum ediblər. Atışma zamanı daha üç-dörd nəfərin ölə biləcəyi ehtimal olunur. Şahidlər hadisə yerində partlayış olduğunu da bildiriblər.

Bununla yanaşı, İranın Atom Enerjisi üzrə Təşkilatının rəsmi nümayəndəsi Bəhruz Kamalvəndi ölkədə nüvə enerjisi sahəsində çalışan bütün alimlərin sağ olduğunu açıqlayıb.

Banner

Digər xəbərlər